ماذا علمتك الحياة؟؟ وماذا تعلمت أنت منها.. أتمني للتفاعل

أنا مش هقول كلمات منثورة في الموضوع ده


أنا عاوزة أشارككم وتشاركوني حاجات علمتهالنا الحياة بجد


يمكن نبقى صغيرين إن إحنا نقول الكلمة دي


بس والله مش لازم نبقى عواجيز مكحكحين بعصايا معووجة وكرسي متحرك عشان نقولها


أكيد فيه مواقف الواحد إتعلم منها وساعات المواقف دي بتبقى شديدة شوية


لو فيه حاجة إتعلمتها من الحياة قلهالنا يمكن نقدر نستفيد من تجربتك


خدوا بالكم ان شاء الله حيبقى ليك الاجر لو ادتنا معلومة مفيدة وحاجة تعلمتها ممكن تفيدنا


أكيد الحياة علمتك كتير مظنش خالص مفيش حد متعلم حاجة من الحياة حتي لو كان سنك صغير أكيد إتعلمت كتيير
يارب تشاركون ف الموضوع وتقولو إيه اللي إتعلمتوه من الحياة

انا حابدء بالاجابه

الحياة اكبرمدرسة اتعلمنا منها كتير ولسه هنتعلم
اتعلمت ان زى مافى ناس وحشين مش طيبين فى ناس طيبين يستاهلو الحب
اتعلمت الصبر وان الحياة مش كلها حزن ومش كلها فرح
اتعلمت ازاى اقسم فرحتى مع اللى بيحبونى فتزيد وتكبر
واتعلمت ازاى انسي همومى مع صاحب لى يخفف عنى
ولسه اكيييييييييييييييد هنتعلم